Suhareka me ardhjen e muajve të verës gjallërohet nga mërgimtarët që kthehen për të kaluar pushimet pranë familjeve dhe miqve të tyre.
Prania e diasporës ndikon dukshëm në atmosferën e qytetit, ku rrugët, kafiteritë dhe restaurantet mbushen me vizitorë nga vende të ndryshme të Evropës. Shumë prej tyre zgjedhin Suharekën jo vetëm për pushime, por edhe për të investuar dhe për të ruajtur lidhjet me vendlindjen.
Bizneset lokale konsiderojnë sezonën verore si periudhën më të ngarkuar të vitit, pasi ardhja e mërgimtarëve rrit qarkullimin ekonomik dhe sjell më shumë aktivitet në sektorin e gastronomisë, tregtisë dhe shërbimeve.
Banorët e qytetit vlerësojnë se diaspora ka një rol të rëndësishëm në zhvillimin e Suharekës, ndërsa rikthimi i tyre çdo verë krijon një atmosferë festive dhe gjallëri në gjithë qytetin.
