Burim Ramadani, një nga emrat e njohur në fushën e sigurisë dhe mbrojtjes në Kosovë, është kandidat për deputet në zgjedhjet parlamentare, duke garuar me numrin 7 në listën e Aleancës për Ardhmërinë e Kosovës (AAK).
Ramadani vjen nga Suhareka dhe gjatë karrierës së tij ka mbajtur disa pozita të rëndësishme shtetërore në sektorin e sigurisë. Ai ka shërbyer si zëvendësministër i Mbrojtjes dhe Koordinator Nacional për Integrim dhe Anëtarësim në NATO në periudhën 2018-2019.
Po ashtu, ai ka ushtruar detyrën e Inspektorit të Përgjithshëm të Agjencisë së Kosovës për Inteligjencë (AKI), duke qenë i angazhuar në çështje që lidhen me sigurinë kombëtare dhe funksionimin e institucioneve të sigurisë në vend.
Me këtë përvojë në sektorin e mbrojtjes dhe sigurisë, Ramadani po kërkon besimin e qytetarëve për ta përfaqësuar zërin e tyre në Kuvendin e Kosovës.
Në zgjedhjet e 7 qershorit, ai garon me numrin 7 në listën e AAK-së.
