Deputeti Arian Tahiri ka reaguar pas “Marshit për Liri”, i cili u mbajt të shtunën, më 12 shtator, në Prishtinë, në mbështetje të ish-krerëve të Ushtrisë Çlirimtare të Kosovës që po gjykohen në Hagë. Në marsh morën pjesë mijëra qytetarë nga Kosova, Shqipëria dhe diaspora.
Tahiri ka ndarë në profilin e tij në Facebook disa fotografi nga marshi, të shoqëruara me vargje për UÇK-në, lirinë dhe unitetin kombëtar.
“Kudo që jemi, një zemër, një komb, një Kosovë.
Liria jonë ka emër, ka sakrificë dhe ka histori.
UÇK-ja është krenaria jonë kombëtare.
Të bashkuar për Hashim Thaçin, Kadri Veselin, Jakup Krasniqin e Rexhep Selimin.
Të bashkuar për UÇK-në.
Të bashkuar për Kosovën”, ka shkruar Tahiri.
“Marshi për Liri” u zhvillua në sheshet kryesore të Prishtinës në shenjë mbështetjeje për ish-udhëheqësit e UÇK-së që po gjykohen në Hagë.
